同機械人一齊返工|Uncle David 由東涌出發

定期推出部落格筆記嘅壓力終於埋身了,CEO Ken 話想我用自己嘅風格寫,唔洗修飾文字,目的就係分享我回訪嘅所見所聞,直接講感受就得了,佢相信我與人的溝通能力同埋感染力,可以喺筆記上面發揮作用!

呢個專欄定名意念都係嚟自 Ken ,基於我一年半前先至搬到香港國際機場附近嘅東涌,生活寫意,離開市區較遠,但交通仲算方便,出入市區都會經過青馬大橋,景色宜人!


並冇刻意選擇地點去找尋我近期最好奇嘅服務餐飲機械人,但接二連三咁遇上唔同形象嘅「樓面員工」。幾天前喺中環 Cafe Landmark 食 lunch ,睇到一位「禮服人」停泊喺我眼前嘅空位,侍應生不斷咁樣將收回用膳完嘅餐具放入禮服人兩旁嘅層架裡面,下一步就係按移動制,令佢啟程回到廚房,太有趣了!我問准侍應俾我拍短片,分享俾大家欣賞。


忍不住同侍應生閒談,睇吓佢對呢個「新同事」有咩感受,佢話:「幫助好大,減少咗同事搬運碗碟嘅負荷,慳返好多力,仲有,最緊要係佢一定唔會請病假。」

其實 iCHEF 香港團隊已同機械人供應商建立咗緊密合作關係,介紹咗幾個 iCHEF 老闆聘用 ( 以租用合約形式 ) 不同型號嘅機械人加入工作隊伍!我肯定喺目前餐飲業嚴重人手短缺嘅環境裡面,呢啲唔會請病假嘅員工一定會越來越受歡迎!

2022 年 11 月 24 日

發佈留言

發佈留言必須填寫的電子郵件地址不會公開。 必填欄位標示為 *