我鍾意飲咖啡，鍾意佢撲鼻嘅香濃，更鍾意佢同熱奶混合埋產生嘅柔和口感。幾年前放棄咗 Latte ，變節成為 Flat White 嘅粉絲，就係因為佢能夠將呢個混合效果推到最高峰！熟識我的 Cafe 一見我入嚟就會立刻帶笑講聲 Flat White ，簡直當咗呢個字係 Hello 嘅同義詞！
今日 Rocky 約咗我同佢一齊去銅鑼灣回訪半年前開業嘅 Zen Coffee ，提供 iCHEF 系統訓練俾上任先至得三日嘅店長，我有幸品嚐到佢哋水準非常高嘅 Flat White ，當然係滿意啦！睇到黑板上寫住 COFFEE & BAGEL ，講咗一句好想試試呢個配搭，唔夠十分鐘 Junior Barista 送嚟一個 Platter ，上面有古草蛋糕、 scone 同埋 muffin ，配上藍莓果醬，睇到呢個情景，我將所有低糖減甜計劃忘記得一乾二淨， Rocky 同店舖團隊喺交流有關 iCHEF 功能嘅過程之中，亦忍唔住間中嚐嚐美點。
新店長同埋兩位 Baristas 非常認真投入討論喺操作系統時遇到嘅問題， Rocky 多年嚟嘅豐富經驗大派用場，其中店長嘅最大願望係大幅度提升在線付款、減少顧客因喺店現埸付款引致嘅工作量，等 Barists 可以專心沖制咖啡，提升出產速度同埋效率。
我自從年輕嗰陣時一直懂得「寓工作於娛樂」，今日再一次將這生活態度引入呢個回訪，喺嚴肅咁提供訓練嘅同時，將氣氛推向輕鬆愉快，相信在場嘅店長同埋員工都感受到。我嘅心願係能夠將呢啲輕鬆愉快氣氛送到去所有 iCHEF 餐飲場所，因為只有快樂嘅餐飲團隊先至會提供到高品質嘅顧客服務！
2022 年 11 月 24 日