籌備咗差不多三個月嘅堡品牛腩終於面世，店主邀請咗好多喺佢仕途上曾經拔刀相助嘅朋友，好榮幸 Rocky 同我分別接到佢嘅邀請參加開幕儀式，仲當眾歡迎我哋係新店籌劃組成員，只係出咗一啲綿力，咁就換來一份隆重嘅致謝！
最初同佢認識，係一個星期六嘅下晝， Rocky 約咗我喺佢嘅舊舖見面，我哋提早抵達想先試一碗麵做午餐，非常享受味道清純而軟硬度適中嘅坑腩，高檔次嘅品質，比起香港排第一位嘅清湯牛腩仲要好吃， 後來問佢點樣研發先知道佢自細就愛上牛腩，幾年前立下決心要做東南亞最有名嘅牛腩品牌，第一步係做調查香港各區所有嘅牛腩店，每一間都試食過，搵到佢認為味道最好嘅，就研究點樣模仿同改良，仲密識咗而家駐店嘅廚師幫佢保持牛腩水準。
跟住落嚟佢同我地分享咗佢嘅鴻圖大計，包括現有嘅牛腩店即將會改新店名同搬去商場樓上、仲會開其他分店 ( 自營或者加盟 )、開設中央廚房，目的就係出品牛腩同埋其他粉麵嘅配料送到店舖，減低喺店製作食品嘅壓力同埋保持質素嘅標準，仲可以發展批發業務，供應呢啲食材比其他食肆！志向宏大，唔再只係夢想，我表明申份係餐飲顧問，可以比佢增值服務，佢二話不說就打開銀包，話要交顧問服務費，話想分享長輩嘅經驗！我哋詳細同佢分析發展大計後大表支持，開始咗每兩個禮拜一次的兩個鐘聚會！
兩個月後如大家所願，中央廚房投入生產，為咗要幫店主盡快發揮用中央廚房做批發生意，我哋介紹佢認識其他用 iCHEF 系統嘅餐廳店主，睇吓有冇空間互相借力，達到 Crossover 喺效果，令大家嘅生意都有增長。
呢個未來嘅牛腩大王嘅發展歷程，會係艱苦漫長，但係我哋 iCHEF 團隊會一直陪住佢行，佢嘅成功就係我哋嘅成功！
2022 年 11 月 30 日