過去半年一直同幾個不同機構傾 Crossover 活動，利用最少嘅資源，發揮最大嘅市場推廣作用。早前提過點樣同保良局嘅特殊學校合作，同一時期我哋又同恆生銀行策劃一連串嘅座談活動，務求產生協同效應。
第一個協作活動終於喺 11 月 22 日去咗恆生最近先開幕嘅商業中心嗰度舉行，目標參與者係餐飲業嘅中小企老闆，由 iCHEF 負責邀請自己客戶 10 – 20 人，主題就係近期最熱門嘅 ESG ( 即係環保、關懷、管治 ) 話題，恆生安排咗分享嘉賓到現埸演講，針對餐飲業老闆係工作上推行 ESG 嘅急切性同埋誘因，尤其是喺環保方面，例如有效減碳措施同埋喺源頭嗰度控制廚餘等等，恆生仲有推出綠色財務支援計劃，如老闆開分店時引入環保設施，得到合法承建商嘅報告證明，恆生會考慮以優惠利息提供綠色裝修貸款，減低現金轉流方面嘅壓力。
出席嘅 iCHEF 老闆、特殊學校嘅幾位老師、同埋其他飲食業相關行政人員都非常投入聆聽演講同埋參加小組討論，座談會之後回應表示提升咗對 ESG 的認識好多，希望不久之後我哋會再安排類似活動，而恆生嘅反應係非常滿意參與者嘅認真態度。
與恆生嘅 Crossover 活動明年 2 、 3 月間會再舉行，相信可以吸引到其他老闆參加。
2022 年 12 月 6 日