iCHEF CEO Ken 因疫情闊別香港超過三年，為了同香港團隊面對面交流有關 iCHEF 未來兩三年嘅發展方向，上星期到香港作業務考察三天，行程包括出訪 iCHEF 用戶老闆同埋協作夥伴。
文青咖啡店已成為香港飲食業嘅特色新潮流，客戶群中有好多呢種店，集中喺太子、深水埗一帶， Ken 係第一次去呢個區參觀，在其中一間叫十常八九嘅舖與年輕老闆傾開業同埋發展歷程，佢話揀深水埗落戶就係因為見倒越來越多年輕人鍾意嚟呢度休憩，而租金唔貴、俾得起！另外去過一間叫 Saloon，裝修同埋飲食都係以黑色為主調！非常有趣！我保證你入咗去會俾環境同服務態度吸引，一定唔會放過試飲同埋試食嘅機會！
Ken 仲同我哋一齊去咗保良局特殊學校拜訪校長同各合作部門嘅老師，到步時校長已企喺校務處門外歡迎 Ken，幾位參與 iCHEF 協辦飲食服務課程嘅學生亦前來打招呼，並拍照留念。跟著 iCHEF 團隊同學校團隊進入嚴肅會議，回顧過去三個月協作經驗同埋展望未來三年工作計劃，Ken 同校長先後發表講話，既真情流露又認同實際環境局限，分別鼓勵及支持 iCHEF 同埋學校協作，為學生開闢就業空間。
Ken 回顧 iCHEF 十多年前創辦 iCHEF 嘅目標係以付得起嘅價格提供科技俾最有需要嘅小商戶，當時只有大集團先至有財力引入極昂貴嘅 POS 系統，iCHEF 嘅態度一直冇變過，承諾要盡力協助最有需要嘅弱勢社群！
Ken 對香港團隊可以創造機會俾不同客戶老闆哋優勢互補，速成 Crossover ，互相借力達到雙贏，未來一年會不斷安排老闆們小型聚會同埋較大型嘅座談會。今次港遊，就安排了牛腩店老闆同威士忌酒吧餐廳老闆參加與 Ken 交流聚會，效果不錯。
Ken 仲想透過我呢個專欄，同所有客戶老闆打個招呼，尤其是同佢已認識多年，一直默默支持 iCHEF 嘅舊客戶，下次到訪香港時，希望安排一個大型活動，可同時與更多人會面交談。
2022 年 12 月 11 日